以下資料取材自
http://chaozmarket.blogspot.com/2008/12/2008-12-06.html1974年Richard Easterlin調查1946至70年嘅美國人,有以下發現:一、富人較窮人快樂。二、富有國家較貧窮國家快樂。三、當國家日漸富裕,人民日漸快樂。2003年Ruut Veenhoven及Michael Hagerty挑戰Easterlin嘅講法,並證明快樂與財富無關,甚至認為富人快樂程度反而唔及窮人!
今年賓州大學Justin Wolfers及Betsey Stevenson重新研究Easterlin嘅講法,作出以下結論:甲、當你貧窮到連孩子有病亦冇錢睇醫生,你點會快樂?此乃1946至70年美國人隨住財富上升而日漸快樂嘅理由。乙、當你嘅家庭已擁有兩部車,你唔會因為買入第三部車而感到快樂,此乃到咗2003年快樂指數漸同財富無關嘅理由。
我老曹完全同意賓州大學兩位學者嘅講法。從無到有,財富增加的確令人感到快樂。如你已擁有唔少財富(例如到達中產階級水平),快樂與否同財富關係漸漸分開,例如四叔添孫所帶來嘅快樂,較多100億元財富更大!到咗呢個水平,便必須追求其他快樂──其中最易嘅方法就係為善最樂。